ស្មៀនឃុំតាសាល ស្រុកឱរ៉ាល់បេីកឡានទាំងស្រវឹងបុកមនុស្សស្លាប់និងរបួស ត្រូវបានឃាត់ខ្លួន
កំពង់ស្ពឺ ៖ មានករណីគ្រោះថ្នាក់ចរាចរណ៍ កណ្ដាលក្រុងច្បារមនរង្វង់មូលវិមានឯករាជ្យ បណ្ដាលឱ្យបុរសម្នាក់ស្លាប់ភ្លាមៗនៅនឹងកន្លែងកេីតហេតុនិងម្នាក់ទៀតរងរបួសស្រាល ក្នុងករណីរថយន្តបើកបុកម៉ូតូពីក្រោយ កើតឡើងកាលពីវេលាម៉ោង៦និង៣០នាទីល្ងាច ថ្ងៃទី២៧ ខែមីនា ឆ្នាំ២០២៦ លើផ្លូវលេខ១៤៣ ជិតវិមានឯករាជ្យ ស្ថិតនៅភូមិទួលគកសង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ។
តាមការបញ្ជាក់ពីសមត្ថកិច្ច នៅមុនពេលកើតហេតុគេបានឃេីញរថយន្តមួយគ្រឿង ម៉ាក TOYOTA RALLY ពណ៌សផ្លាកលេខ ភ្នំពេញ 2BK-9781 ដែលអ្នកបើកបរឈ្មោះ មិន ហេង ភេទប្រុស អាយុ៥៦ឆ្នាំ រស់នៅភូមិគោក ឃុំសង្កែសាទប ស្រុកឱរ៉ាល់ ខេត្តកំពង់ស្ពឺ មុខរបរស្មៀនឃុំតាសាល ដោយមានសារជាតិស្រវឹង 0,92 mg/L បានបើកបរពីទិសខាងត្បូង ឆ្ពោះទៅទិសខាងជើង ។
សមត្ថកិច្ចបន្តថា លុះមកដល់ចំណុចកើតហេតុបានជ្រុលទៅបុកម៉ូតូពីក្រោយ ម៉ូតូទី១ ម៉ាក HONDA DREAM 125CC ពណ៌ខ្មៅ ផ្លាកលេខ កំពង់ស្ពឺ 1F-6117 អ្នកបើកបរឈ្មោះ ទឹម សារ៉េត ភេទប្រុស អាយុ ៤៥ឆ្នាំ (ស្លាប់នៅនឹងកន្លែង) រស់នៅភូមិអំពែភ្នំ សង្កាត់ស្វាយក្រវ៉ាន់ ក្រុងច្បារមន និងម៉ូតូទី២ ម៉ាក HONDA BEAT 110CC ពណ៌ខ្មៅផ្លាកលេខភ្នំពេញ 1KG-2661 អ្នកបើកបរឈ្នោះ សែម ស្រីទី ភេទស្រី អាយុ ២៧ឆ្នាំ រងរបួសស្រាល រស់នៅភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ដែលបើកបរក្នុងទិសដៅស្របគ្នា ។
ក្រោយហេតុការណ៍សមត្ថកិច្ចនគរបាលចរាចរណ៍ បានចុះទៅដល់កន្លែងកេីតហេតុ និងបានចំណាត់ការឃាត់ខ្លួនអ្នកបេីកបររថយន្ដខាងលេី និងបានបញ្ជូនមកការិយាល័យចរាចរណ៍ផ្លូវគោក ខេត្ដកំពង់ស្ពឺ ដេីម្បីចាត់ការតាមនីតិវិធី, រីឯអ្នករងរបួសត្រូវបានបញ្ជូនទៅកាន់មន្ទីរពេទ្យខេត្ដ ,ចំពោះសពបានប្រគល់ជូនក្រុមគ្រួសារនៃសពដេីម្បីធ្វេីបុណ្យតាមប្រពៃណី ៕(ដោយ BBN04)
